20090913 束河古鎮Xuhe

一去愛上的束河古鎮 =]

旅遊書介紹左幾個方法入束河... 的士麵包車中巴... 最後係搭左一蚊巴士=]

落左車... 咁啱見到老太太同孫女... 就走去問路 (費事行錯路啦 ^_^")
老太太叫我跟埋一齊入去古鎮... (緊係跟啦... 跟佢入去可以慳番50蚊入場費..... =])

行到一半老伯伯接佢地.... 佢地好好客邀請我去佢地屋企坐下...
(心想不妨去下... 反正都未plan行程....)
佢地係納西人...姓和~ 住係古鎮旁的慶雲村

 慶雲村

 和宅

佢地不停拎屋企嘅食物招呼我... 茶瓜子合桃蘋果(佢自己種ga... )
農家簡簡單單真係好舒服.... 講講下仲叫我係度食飯.... (真係有d唔好意思 ^_^")
老太太同兒子好快就整左4個好好食嘅農家菜 -
辣蘿白絲, 土豆絲, 束河涼粉(豌豆製), 抄豬膘肉(自己製風乾煙燻)
之後仲拎左自製嘅辣野菌.... 同埋自己釀嘅酒(成六十幾度... 好似火燒心咁...)
和老伯仲話如果多啲客人會殺雞tim~~

食飽飯和老伯就問我騎唔騎馬上山睇千年古樹...行茶馬古道....
隻馬幾靚仔... 今年三歲.... (呢隻係佢嘅生財工具... 平時佢會係古鎮帶遊客騎馬遊鎮)
第一次騎馬上山... 有d緊張... 山上風景不錯.. 仲可以高處觀賞麗江+束河全景tim~

我的去向是........

 

騎完馬... 和老伯仲帶我遊古城... 成為了我的嚮導 =]

偷影人家拍婚紗相...
呢間係香港人開
http://www.livpage.com/ad/1001845.html

 

推介旅館 - 束河K2國際青年旅舍
好有家的感覺... 二/四/六/八人間床位都係RMB25 (當然住二人間啦....)
夜晚搭食一人RMB15.. 仲有free早餐

 

每晚8點... 係四方聽音廣場都有營火會... 所有遊客都可以參與...
當地人都好enjoy咁跳... 好high!!!!

每間河畔餐廳都有live band唱歌... 個感覺真係好relax...
番到hostel.. 有一班人係度jam歌...玩得好開心...
可惜我唔識結他... 如果唔係可以玩埋一份!!

 

 大石橋

係hostel hea左差不多一個朝早... 食過午飯... 租單車遊束河 (RMB5/hr)
好開心... 終於識踩番單車 =]

  房外景觀

Snap Shots

回程由麗江飛番去昆明... 39分鐘就到... 好過搭8個鐘車... 用550蚊買時間係值ga

more info about 束河
http://travel.hk.msn.com/world/article_2_2045_1.asp

Like me @ facebook http://www.facebook.com/MOSUMMER